Da Stock-im-Eisn is da Middltäu von ana zwaawipflatn Zwieslfichtn ausm Middloita, de iba und iba mid zig Nägln beschlogn is. Da Staumm is 2,19 m hoch und steht auf an Sockl aus Granit. In ana Uakundn kummta seaschte Moi im Joa 1533 vua. Des Originäu steht seit 1548 in Wean am Stock-im-Eisen-Platz Nummero 3, des is in da Innaran Stod, am Eck zwischn Grom und Keantna Strossn. Des Haus sööba is des Palais Equitable.